40 மைனஸ் வோட்டு போட்டு என்னை பிரபல படுத்திய நண்பர்களுக்கு நன்றி...

நேற்று முன்தினம், ஜெயலலிதா முதல்வராகி விட்டார்.....இனி இப்படியெல்லாம் நடக்கலாம்?........., தேர்தலில் தோல்வியடைந்த கலைஞர் இனி என்ன செய்யலாம்?-சில ஆலோசனைகள். என்று இரு பதிவுகளை ஒரு சேர எழுதி அதில் ஜெயலலிதா முதல்வராகி விட்டார்.....இனி இப்படியெல்லாம் நடக்கலாம்?.........என்ற பதிவை மட்டும் வெளிட்டுவிட்டு, இன்னொரு பதிவை draft-இல் போட்டுவிட்டு என் உறவினர் வீட்டு விஷேசத்திற்காக வெளியூர் சென்று விட்டேன்.(அதனால்தான் வழக்கமாக நான் படித்து பின்னூட்டமிட்டு, வாக்களிக்கும் நண்பர்களின் தளத்திற்கு செல்லவில்லை} 

draft-ல் இருக்கும் பதிவை நேற்று வெளியிடலாம் என்று நினைத்து என் நண்பன் பதிவர் சிராஜிடம் என் கடவுச்சொல் கொடுத்து வெளியிட சொல்லியிருந்தேன். அவனும் வெளியிட்டுவிட்டான். நேற்று மாலை ஊர்திரும்பினேன். வந்து பார்த்தபோது தேர்தலில் தோல்வியடைந்த கலைஞர் இனி என்ன செய்யலாம்?-சில ஆலோசனைகள்-என்ற பதிவிற்கு 8/14 என்ற கணக்கில் தமிழ்மணத்தில் 6 மைனஸ் ஓட்டுக்களும், முந்தாநாள் பதிவான ஜெயலலிதா முதல்வராகி விட்டார்.....இனி இப்படியெல்லாம் நடக்கலாம்?........என்ற  பதிவிற்கு 22/29 என்ற கணக்கில் 7 மைனஸ் வோட்டுக்களும் கிடைத்திருந்தது.
**************************************

*******************************************

*******************************************
ஆஹா....நாமும் பிரபல பதிவராகிட்டோம் என்று மனம் துள்ளி குதித்தது. நம்கருத்துக்கள் எல்லோருக்கும் பிடிக்கும் என்று நினைக்க கூடாது அப்படி நினைப்பது முட்டாள்தனம். நம் எழுத்தின் மூலம் எல்லோரையும் திருப்தி படுத்தவும் முடியாது.

அதே நேரம் வாய் புளித்ததோ மாங்காய் புளித்ததோ என்றெல்லாம் எழுதியவனில்லை. நடுநிலையுடன் தான் எழுதிவருகிறேன். 

பிளஸ் வோட்டு போடும் போது ஏற்றுக்கொள்ளும் மனப்பான்மை, மைனஸ் வோட்டு போடும் போதும் நமக்கு இருக்க  வேண்டும். ஒரு கருத்தை  பொதுவில் வைக்கும் போது பிளஸ் வோட்டு மைனஸ் வோட்டு என்று இரண்டுமே சாத்தியம் தான் என்று நான் உணராதவனும் அல்ல.

அதேநேரம் மைனஸ் வோட்டு போடும்போது ஒரு நேர்மை இருக்க வேண்டும் என்று நினைப்பவன் நான். 

நானும் ஓரிரு மைனஸ் வோட்டுகள் போட்டிருக்கிறேன். ஆனால், அப்படி ஓட்டுப்போட்டதோடு மட்டும் வந்துவிடாமல் ஏன் மைனஸ் வோட்டுப்போட்டேன் என்ற என் கருத்தையும் பதிவு செய்துவிட்டுத்தான் வந்திருக்கிறேன். அது என் நெருங்கிய பதிவுலக நண்பர்களின் பதிவாக இருந்தாலும் சரி....அப்போதுதான் அவர்கள் திருத்தி கொள்ள முடியும். எனக்கு நீங்கள் போட்டதுபோல  மானாவாரியாக அல்ல.....

எனக்கு மைனஸ் வோட்டு போடுங்கள் நண்பர்களே....அதை நான் தவறென்று சொல்லவில்லை.அதோடு ஏன் மைனஸ் வோட்டு போட்டோம் என்று உங்கள் கருத்துக்களையும் பதிவு செய்துவிட்டு போ(டு)ங்க....அப்போதுதான் என் எழுத்தில் இருக்கும் தவறுகளை திருத்திக்கொள்ளலாம். இன்னொரு  விஷயம் மைனஸ் வோட்டு போடும் வேகத்தை (பதிவு நன்றாக இருந்தால் பிளஸ் வோட்டு) போடுவதிலும்  காட்டுங்கள் நண்பர்களே....

படிக்காமல் தவற விட்டவர்களுக்காக....என் முந்தைய பதிவு 

தேர்தலில் தோல்வியடைந்த கலைஞர் இனி என்ன செய்யலாம்?-சில ஆலோசனைகள்.

Tweet

Post Comment

இதையும் படிக்கலாமே: