20 சார்...இன்னும் ”அது” வரல....

இன்று நாட்டில் எத்தனையோ தனியார் வங்கிகள் பெருகி கவர்சியான வட்டிவிகிதங்கள் மூலம் நம்மை ஈர்த்தாலும், அதையெல்லாம் விடுத்து நம் பெரும்பான்மையினரின் தேர்வாக இருப்பது S.B.I.எனப்படும் ஸ்டேட் பேங்க் ஆப் இந்தியா (STATE BANK OF INDIA) தான்.அதற்கு காரணம், நம்பிக்கையான வங்கி எனப்படுவதோடு, மத்திய அரசு நிறுவனம் என்பதாலும் தான்.ஆனால், சமீபகாலமாக அவர்கள் அலட்சியாகவே நடந்து கொள்கிறார்களோ என்று நினைக்கும் அளவிற்கு ஒரு சம்பவத்தை படியுங்கள்.

எங்கள் ஊரில் இருக்கும் ஸ்டேட் பேங்கிற்கு கடந்த மூன்று வாரங்களுக்கு முன்பு ஒரு விஷயமாக என் நண்பனுடன் சென்றேன்.
இப்ப கைவசம் இல்லை .ஸாரிசார் அடுத்த வாரம் வாங்க என்றார் வங்கியின் மேலாளர்.
அடுத்த வாரமும் சென்றோம். 
சார்....இன்னும் வரல....அடுத்த வாரம் வாங்க...என்றார்.
கடந்த வாரமும் சென்றோம்...அதே புராணம் தான் பாடினார்.
சரி....இந்த வாரமாவது வந்திருக்கும் போய் பார்ப்போம் என்று கடந்த இரண்டு நாட்களுக்கு முன் சென்றோம்....
சார் மன்னித்துக்கொள்ளுங்கள்...இன்னும் வரல....என்றார்.
வேறு என்ன பன்னலாம்...சொல்லுங்க என்றான் என் நண்பன் கடுப்புடன்......
பக்கத்தில் இருக்கும் அறந்தாங்கி பேங்கிற்க்கு சென்று அதை வாங்கி வாருங்கள் முடித்துவிடலாம் என்றார் கூலாக......

என்ன ஒரே குழப்பமாக இருக்கா? நாங்க எதுக்கு பேங்கிற்கு போனோம்....மேனேஜரு எதுக்காக அடுத்த வாரம், அடுத்த வாரம்ன்னு அலைய விட்டார்னு....சொல்றேன்...
லோன் எடுக்க போயிருப்பீங்க....அதான் இப்படின்னு அங்கே யாரு சார் குரல் கொடுக்கறது?

லோன் எடுக்க போயிருந்தாக்கூட பரவாயில்லை..... நாங்க போனது புதுசா ஒரு அக்கவுண்ட் ஆரம்பிக்க....அங்கே மேனேஜர் இல்லைன்னு சொன்னது புதிதாக அக்கவுண்ட் ஆரம்பிக்க எழுதி கொடுக்கும்  அப்ளிகேசன் ஃபார்மை....
விளங்கிடும்.....

அக்கவுண்ட் ஆரம்பிக்கவே இந்த பாடுன்னா....லோன் எடுக்க போறவங்க நிலைமையை  நீங்களே யோசிச்சுக்கங்க......

ஒவ்வொரு தனியார் பேங்கிலிருந்தும் நம் வீட்டிற்கே வந்து அக்கவுண்ட் ஆரம்பிங்கன்னு கேட்கிறார்கள்.அல்லது போனில் கேன்வாஸ் செய்கிறார்கள். இவர்கள் என்னடான்னா அக்கவுண்ட் ஆரம்பிக்க பேங்கிற்கே போனவங்களை விரட்டுகிறார்கள். எவ்வளவு அலட்சியம் பாருங்கள்....அந்த அப்ளிகேசன் ஃபார்ம் வாங்க எங்களை அறந்தாங்கிக்கு போக சொன்ன இவர்கள் அதை செய்திருக்கலாமே?

கஸ்டமர் வந்தால் என்ன? வராவிட்டால் இவர்களுக்கு என்ன?.....வேலை பார்த்தாலும் பார்க்காவிட்டாலும்  மாதம் முடிந்தால் சம்பளம்......
இதற்காகத்தான் அப்பவே சொன்னார்களோ... கால்காசு உத்தியோகமா இருந்தாலும் கவருமெண்டு உத்தியோகமா இருக்கனும்ன்னு.....
 

படிக்காமல் தவற விட்டவர்களுக்காக....என் முந்தைய பதிவு 

என் 250-ஆவது பதிவும் 

ஒருவருட  நிறைவும்... 

Tweet

Post Comment

இதையும் படிக்கலாமே: