10 நீங்களும் சிறை செல்வீர்களா கலைஞர்ஜீ?...

 தி.மு.க.தலைவர் கலைஞரிடம் எடுத்த கற்பனை பேட்டி....

கேள்வி: திடீர் சிறை நிரப்பும் போராட்டம் ஏன்?

கலைஞர்: பல்வேறு வழக்குகளில் ஜெயலலிதா அரசு எங்களை பிடித்து உள்ளே தள்ளிவருகிறது. அப்படி எல்லோரையும் பிடித்து போடுவதற்குள் நாங்களே கவுரமாக உள்ளே போய்விட்டால் என்ன என்று தீவிரமாக சிந்தித்ததன் விளைவு இந்த சிறை நிரப்பும் போராட்டம்.

கேள்வி: பதவியையும், பணத்தையும் அனுபவித்தவர்கள் வேண்டுமானால் சிறைக்கு செல்லட்டும், நாங்கள் ஏன் சிறை செல்லவேண்டும் என்ற முணுமுணுபு தி.மு.க.,வில் கிளம்பியுள்ளதாக சொல்கிறார்களே?

கலைஞர்:அப்படியெல்லாம் இல்லை. அது உங்களைப்போல பத்திரிகையாளர்கள் கிளப்பும் வதந்தி. சரி...கேட்டுட்டீங்க சொல்றேன்..... தி.மு.க.,வில் பதவியும் பணமும் அனுபவித்த ராசா,கனிமொழி, வீரபாண்டியார் போன்ற முன்னாள் அமைச்சர்கள் பலரும்   சிறையை அனுபவித்ததை அனுபவித்து கொண்டிருப்பதை ஏன் மறந்துவிட்டீர்கள்?

கேள்வி: சிறை செல்பவர்களுக்குத்தான் இனி கட்சிப்பதவியாமே?

அப்படின்னா....இப்போது சிறையில் இருப்பவர்களெல்லாம்  யாராம்? அனைவரும் பதவியில் இருந்தவர்கள்தானே?

கேள்வி: ஆ.ராசா, கனிமொழி போன்றோரும் இதில் கலந்துகொள்வார்களா?

கலைஞர்: மத்திய அரசிடம் அனுமதி கேட்டிருந்தோம்......மத்திய அரசே ராசா,கனிமொழியை கைது செய்துவிட்டதால் தனியாக ஏன் இன்னொருதடவை கைதாக வேண்டும் என்று சொல்லிவிட்டார்கள்.

கேள்வி: நீங்களும் சிறை செல்வீர்களா?

கலைஞர்: லட்சோப லட்சம் உடன்பிறப்புக்கள் சிறை செல்ல தயாராக இருக்கும்போது நான் ஏன் செல்லவேண்டும். அவர்கள்தானே நான்.... நான்தானே அவர்கள்(சிரிக்கிறார்)

Tweet

Post Comment

இதையும் படிக்கலாமே: