12 ஜெ.,யின் உள்ளே வெளியே ஆட்டமும் சோ-வை மிஞ்சிய தா.பாண்டியனும்

தமிழக சட்டப்பேரவை வரலாற்றில் முதல்முறையாக 12-ஆவது முறையாக மந்திரிகளை மாற்றி மீண்டும் ஒரு உள்ளே வெளியே ஆட்டத்தை நடத்தியிருக்கார் ஜெயா.
முன்பெல்லாம் அதாவது ஜெயலலிதாவிற்கு முன்பிருந்தவர்களின் ஆட்சியிலெல்லாம் அமைச்சரவையை அப்படியே மனப்பாடமாக சொல்லிவிடலாம். ஆனால், இப்போதோ
யார்யார் மந்திரி? என்னன்ன துறை என்று அமைச்சர்களுக்கே தெரியாது.

ஆட்சிக்கு வந்த புதிதில் அவர் இருந்தார். பின்பு ஒரு மாதம் கழித்து அவரிடமிருந்து பறித்து இன்னொருவருக்கு கொடுத்தார். அதுக்கு அடுத்த மாசம் அந்த இன்னொருவரிடமிருந்து பறித்து வேறொருவருக்கு கொடுத்தார். அடுத்த 15 நாளில் அவரிடமிருந்தும் பறித்து முதலில் இருந்தவரிடம் கொடுத்தார் இப்படியே சொல்லிக்கொண்டே தலையை பிய்த்துக்கொண்டு போகலாம். எனக்குத்தெரிந்து பன்னீர், நத்தம் விஸ்வநாதன், செந்தில் பாலாஜி உள்ளிட்ட சிலரை தவிர்த்து மற்ற எல்லோரும் மாற்றப்பட்டவர்கள் அல்லது பதவி பறிக்கப்பட்டவர்களே...

இப்படியே போனால் நான் ஏற்கனவே சொன்னதுபோல் அண்ணா.தி.மு.க.,வின் அனைத்து எம்.எல்.ஏ.,க்களுக்கும் அமைச்சர் யோகம் இருக்குதுங்க.....

===================

தன் பிறந்த நாளுக்கு ஜெயலலிதா வந்து வாழ்த்து சொன்னதிலிருந்து தா.பாண்டியனின் விசுவாசத்திற்கு அளவேயில்லாமல் போய்விட்டது.
இன்று வெளியாகியுள்ள ஆனந்த விகடனில்  அவரின் பேட்டியொன்று வந்துள்ளது. அதில் ஒன்றரை வருட ஜெயலலிதா ஆட்சியில் சுட்டிக்காட்டும் அளவுக்கு குறைகளே இல்லை என்கிறீர்களா? என்ற கேள்விக்கு தா.பாண்டியனின் பதில், எனக்கு ஒன்றும் தெரியவில்லை. உங்களுக்கு தெரிந்தால் சொல்லுங்கள் என்று பொன்னெழுத்துக்களில் பொறிக்க வேண்டிய ஒரு பதிலை சொல்லி சோ ராமசாமியையே மிஞ்சியுள்ளார்.

ஒரு வேளை இரவு மின் தடையின்போது இந்தப்பேட்டி எடுத்தார்களோ என்ன எலவோ....அதான் இருட்டில் ஒன்றுமே தெரியவில்லை என்று சொல்லியிருக்கார்.

அதேநேரம், இப்போது தா.பாண்டியன் போட்டிருப்பது அண்ணா.தி.மு.க.,கண்ணாடி. அதில் இப்படித்தான் தெரியும்....சே..சே.. எதுவுமே தெரியாது.

====================

இன்றைய ஸ்பெஷல் ஜோக்...

சோனியா காந்திக்கு அமைதிக்கான நோபல் பரிசு கொடுப்பதற்காக பரிந்துரைத்திருக்கிறார்களாம்.

Tweet

Post Comment

இதையும் படிக்கலாமே: