15 முஸ்லீம் பதிவர்களும்.....கலைஞரின் தந்திரமும்......

 நாங்கள் ஆட்சிக்கு வந்தால் தமிழ் புத்தாண்டு மீண்டும் தைத்திங்களுக்கு மாறிவிடும் என்று சொல்லியிருக்கிறார் கலைஞர். வழக்கமாக ஐந்து வருடங்களுக்கு ஒருமுறை ஆட்சிதான் மாறும். முதல்வர்தான் மாறுவார்கள். ஆனால் இப்போது புத்தாண்டும் மாறிவிடுகிறது. இந்த கொடுமையை எங்கே போய் சொல்வது? சரி மாறாதது ஓட்டுப்போட்ட மக்களின் நிலைமைதான். அதுதான் நிதர்சனம்.

                                                    ==================================

தமிழ்புத்தாண்டை சித்திரைக்கு மாற்றியமைத்தார் ஜெ....அதற்கு எதிர்ப்பு தெரிவித்த கலைஞர் என்ன செய்திருக்க வேண்டும்.....அந்த சித்திரை புத்தாண்டை கண்டுகொள்ளாமல் விட்டிருக்க வேண்டும்....ஆனால், கலைஞரோ தன் குடும்ப தொலைக்காட்சியான கலைஞர் டி.வி.யில் சிறப்பு நிகழ்சியெல்லாம் போட்டு கல்லா நிரப்பிவிட்டார்கள். ஆனால், மீசையில் ஒட்டாதது போல....விடுமுறை நாள் சிறப்பு நிகழ்ச்சிகள் என்றும் போட்டுக்கொண்டார்கள். என்னவோ சித்திரையில் மட்டும்தான் விடுமுறை வருவதுபோல....
அதான் மாதத்திற்கு ஒருமுறை அல்லது இருமுறை விடுமுறைதான் வருகிறது. அப்போதெல்லாம் இப்படி சிறப்பு நிகழ்ச்சி போட்டால் சரி....அதென்ன சித்திரைக்கு மட்டும் விடுமுறை நாள் சிறப்பு நிகழ்ச்சி?
எப்படியோ ஜெயலலிதா சொன்னதுபோல் கலைஞர் வியாபார தந்திரம் மிக்கவர்தான்.

இதில் சன் டி.வி.,க்காரர்கள் மிகவும் கெட்டிக்காரர்கள்....சித்திரை புத்தாண்டு என்றும் போடாமல், விடுமுறை நாள் என்றும் போடாமல் 19-ஆம் வருட துவக்கம் என்று போட்டுவிட்டார்கள்.

                                             ==========================


நேத்து முகப்புத்தகத்துல ஒரு செய்திய போட்டேன்..... அதாவது அதில் விபச்சாரின்னு ஒரு வார்த்தை வந்திடுச்சு....செய்தியை போட்ட அடுத்த நிமிஷமே நம்ம எதிர்க்குரல் ஆஷிக் பாய் வந்து இந்த வார்த்தை கொஞ்சம் ஆபாசமா இருக்கு, இந்த வார்த்தையை நீக்கிடுங்களேன்னு சொன்னாரு. சரி எதுக்கு வம்புன்னு அதை நீக்கிட்டேன்.....

இப்படித்தான் கொஞ்ச நாளுக்கு முன்னாடி எனக்கு அங்கீகாரம் கொடுத்த விகடன்னு ஒரு பதிவை போட்டுட்டு அதுக்காக அந்த வார விகடன் அட்டைப்படத்தை எடுத்து போட்டேன்...அட்டைப்படம் கவர்ச்சியா இருக்கு....பெண்களை போகப்பொருளாக நினைக்க வேண்டாம். அந்த படத்தை எடுத்துடுங்கன்னு ஆஷிக்பாய்தான் சொன்னாரு

அதுக்கு முன்னாடி ஒரு பதிவுல ஃபிகர்ன்னு எழுதி தொலைச்சிட்டேன். அதுக்கு டீக்கடை சிராஜும் கமெண்ட் போட்டுட்டான். ரெண்டு பேருக்குமே வில்லங்கம் வந்துருச்சு.....
பெண்களை பெண்கள் என்றே கண்ணியமாக சொல்லுங்கள்...அதை விடுத்து ஃபிகர், கிகர்ன்னு எழுதி அவமரியாதை செய்வது தவறுன்னு சொல்லி அந்த வார்த்தையை நீக்கிவிடுமாறு சொன்னார்.... சொன்னது யாரா?ஆமா...அவரேதான்.

அதுக்கு முன்னாடி நம்ம கர்நாடக பிஜேபியினர் சட்டசபையில் ஆபாசப்படம் பார்த்ததைபற்றி கில்மா என்ற வார்த்தையை தலைப்பில் சேர்த்திருந்தேன்... ஆபாசமாக எழுத வேணாம் என்று கண்டனக்குரல் வந்தது. ஆபாசப்படம் பார்த்த அவர்களே நிம்மதியாக இருந்தார்கள். எழுதிய நான் மாட்டிக்கொண்டேன்.....

ஒவ்வொருத்தரும் எப்படி எப்படியோ எழுதிக்கு இருக்கும்போது என்னை தொடர்ந்து கண்காணிச்சுக்கே இருக்காங்க முஸ்லீம் பதிவர்களில் சிலர்.....
நல்லவேளையா நான் முன்னாடி எழுதியிருக்க பதிவை எல்லாம் படித்திருக்க மாட்டார்கள் போல..... அப்படி படிச்சிருந்தா அந்த பதிவுகளில் பாதிக்கு மேல அழிக்க சொல்லிருப்பாங்க...ஆமா..... நிஜம்தான். நான் எழுதிய 400+ பதிவுல ஒரு நூறு நல்ல பதிவு தேறுவதே கஸ்டமா போயிருக்கும்.

இருந்தாலும் எனக்கு ஒரு சந்தோஷம்...... முஸ்லிம் பதிவர்கள் ரொம்பவும் கண்ணியமாகவும், ஆபாசமில்லாமலும், அருவருக்கத்தக்க வகையில் இல்லாமலும் எழுதவேண்டும் என்ற அவர்களின் டீலிங் எனக்கு ரொம்ப பிடிச்சிருக்கு......

                                          

Tweet

Post Comment

இதையும் படிக்கலாமே: