25 ஒரு பிரபல பதிவரின் மறைக்கப்பட்ட உண்மைகள்.

இவர் ஒரு பிரபலமான பதிவர்.மிகவும் துணிச்சலாக  தன் சொந்த கருத்துக்களையே பதிவிட்டு ஹிட்டடிப்பவர்.
பாலசந்தரின் மன்மதலீலையைப்போல இவரின் மன்மதலீலையும் பிரபலமானது. ஆம்....பதிவர் செங்கோவிதான் அவர். 

அவரிடம் சில கேள்விகளை கேட்க நினைத்தேன். ஆனால் அவரை பிடிக்க முடியாததால் கலைஞர் பாணியில் கேள்வியும் நானே...பதிலும் நானே என்ற ரீதியில் நானே யோசித்தது இது. இனி.....அவரின் கற்பனை பேட்டியை படியுங்கள்.....இது நண்பர் செங்கோவியின் மனதை புண் படுத்தாது என்று நம்புகிறேன். அதையும் மீறி அவரை புண் படுத்தினால் அதற்காக அவரிடம் மன்னிப்பு கேட்கப்போவதில்லை....அதற்கு பதிலாக ஒரு ஆயின்மெண்ட் அனுப்புகிறேன் அந்த புண்ணுக்கு பூச....

கேள்வி: உங்களுக்கு பதிவெழுதும் ஆர்வம் எப்படி வந்தது?

செங்கோவி: பெருசா திட்டம் போட்டெல்லாம் நான் பதிவுலகத்துக்கு வரல.... நான் காலேஜ் டைமில் டைரி எழுதுவது வழக்கம். அப்படி எழுதிய டைரிய வீட்டு பரண்ல போட்டு வச்சிருந்தேன். ஒரு நாள் பொழுதுபோகாம இருந்தப்ப அந்த டைரிய எடுத்து பார்த்தேன். வரலாற்று சிறப்புமிக்க மன்மதலீலைகளெல்லாம் அதில் இருந்துச்சு.படிக்க படிக்க சுவாரஸ்யமா இருந்துச்சு. இதை ஏன் நாம ஏதாவது பத்திரிகைக்கு அனுப்பக்கூடாதுன்னு முடிவு பன்னி சில பத்திரிகைக்கு அனுப்புனேன். ஆனா, எல்லாமே போன வேகத்தில திரும்பி வந்திருச்சு. சரி சினிமாவா எடுக்கலாம்ன்னு முடிவு பன்னி சில தயாரிப்பாளார்களிட்ட பேசினேன். துரதிருஷ்டவசமா அவங்களும் நிராகரிச்சுட்டாங்க. இந்த மன்மத லீலைகளை எப்படியாவது தமிழ்கூறும் நல்லுலகத்துக்கு அறிமுகப்படுத்தனும் ஆனா, எப்படி அறிமுகப்படுத்துவது என்று யோசனை பன்னும்போது எனக்கு வலைப்பதிவு ஞாபகம் வந்துச்சு.அதான் போன வருஷம் ஆரம்பிச்சுட்டேன். இப்ப மன்மதலீலையை அதில் வெளியிட்டேன்.யாரும் இதை நிராகரிக்க முடியாதுல்ல...படிக்கறது அவங்க தலைவிதி. ஆனா பாருங்க அது இப்ப செம ஹிட்டு...அருமையான கதைன்னு சொல்லுறாங்க....

கேள்வி:அருமை...சரி இந்த செங்கோவின்னு பேரு வித்தியாசமா செம கேட்சிங்கா  இருக்கே.... யாரு வச்சது? உங்க அப்பாவா? தாத்தாவா?

அட...எனக்கு அது நிஜப்பேரு இல்லைங்க... என்  நிஜப்பேரு வேற...இது நானா யோசிச்சது...

கேள்வி:அப்படியா? எப்படி இப்படி ஒரு அருமையான பேரை பிடிச்சீங்க...

செங்கோவி: அப்படி கேளுங்க....ஒரு வித்தியாசமான பேரா இருக்கனும்ன்னு யோசிச்சேன்.அதுக்காக மண்டைய போட்டு பிச்சுக்கு இருந்தேன். அப்ப என் நண்பன் ஒரு யோசனை சொன்னான், உனக்குத்தான் கவர்ச்சி நடிகைகளை பிடிக்குமே அதிலிருந்து ஒரு பேரை வச்சுக்கவேன்னான். எனக்கு எல்லா நடிகைகளையுமே பிடிக்கும். ஒரு ஆளு பேரை எதுக்கு வைக்கனும்?. எல்லோருடைய  பேரிலிருந்தும் முதல் எழுத்தை எடுத்து புதுசா ஒரு பேரை வைப்போம்ன்னு முடிவெடுத்தேன். எனக்கு ஷகீலா, சில்க், சிம்ரன பிடிக்கும். அந்த பேருல முதல் எழுத்தான S, அப்புறம் நக்மா, நயன்தாரா பேரிலிருந்து N, கவுசல்யாங்கற பேரிலிருந்து G, ஓவியா,ஊர்மிலாங்கற பேர்லேருந்து O, வித்யா பாலன், விமலா ராமன்ங்கற பேர்லேருந்து V, ஐஸ்வர்யாராயிலிருந்து I -ன்னு எடுத்து எழுதிப்பார்த்தேன். SNGOVI-ன்னு வந்துச்சு. பேரு ஒரு ஃபினிஷிங் இல்லாம இருந்ததால S-க்கு பக்கத்து ஒரு எழுத்த போட முயற்சி பன்னி யோசிச்சேன். எல்லாப்பேருமே இந்திய பேராவே இருக்கே...இண்டர்னேஷனல் பேரு ஒன்னை சேர்ப்போம்ன்னு யோசிச்சு எலிசபெத் டைலர் பேரிலிருந்த முதல் எழுத்தை எடுத்து E -க்கு பக்கத்துல போட்டேன். இப்ப அருமையான SENGOVI-ங்கற பேரு ரெடி.

கேள்வி:அருமை சார்...அப்படின்னா உங்க ஒரிஜினல் பேரு என்னன்னு தெரிஞ்சுக்கலாமா?

செங்கோவி: என்னோட பேரை யாருக்கும் சொல்லமாட்டேன்னு அய்யனார் கோவிலில் சூடம் ஏத்தி சத்தியம் பன்னிட்டேன். அதனால் சொல்லமுடியாது. அப்படி மீறி சொன்னா சாமி குத்தமாகிடும்.

கேள்வி:எனக்கு மட்டுமாவது சொல்லலாமே?

செங்கோவி: இப்ப என்னோட ஒரிஜினல் பேர தெரிஞ்சுக்கு என்ன பன்னப்போறீங்க...சிவாஜியை அவரோட ஒரிஜினல் பேரான கணேசன்னா சொல்றீங்க...இல்லை ரஜினியை சிவாஜி ராவ்ன்னு சொல்றீங்களா? இளையராஜவை ராசய்யான்னும், பாரதிராஜாவை சின்னசாமின்னுமா சொல்றீங்க...அவங்க பேரையெல்லாம் புனைப்பேர்ல கூப்பிடறப்போ என் ஒரிஜினல் பேரை தெரிஞ்சுக்கு என்ன பன்னப்போறீங்க...

கேள்வி: இல்லை அது வந்து.....சும்மா தெரிஞ்சுக்கலாம்ன்னு...பரவாயில்லை. உங்க போட்டாவாவது தந்தீங்கன்னா...

செங்கோவி: போட்டோவெல்லாம் தரமுடியாது. வேனும்ன்னா சங்கவி போட்டோவை போட்டுக்கங்க...சரி நீங்க கிளம்பலாம். ....இருங்க... தயிரில் டீ போடுவதில் நான் திறமையான ஆளு...அப்படி ஒரு தயிர் டீ போட்டுத்தேரேன். ஒரு வாய் குடிச்சுட்டுப்போங்க.

அண்ணே...ஏண்ணே இப்படி ஒரு கொலை வெறி... நாங்க கிளம்புறோம்...

Tweet

Post Comment

இதையும் படிக்கலாமே: