27 தமிழ்மணத்துக்கு ஒரு பகிரங்க கடிதம்.....

தமிழ்மணம் நிர்வாகிகளுக்கு ..... அஸ்ஸலாமு அலைக்கும்(வரஹ்).... சலாம் என்னும் முகமன் உங்களுக்கு பிடிக்காவிட்டாலும் கூட, சொல்வது என் கடமை. கடந்த இரண்டு நாட்களாக நீங்கள் நலமாக இல்லை என்பதை நான் அறிந்தாலும், வழக்கமாக கடிதம் எழுதும்போது நலமா என்ற சம்பிரதாய வார்த்தையை கேட்டுத்தான் ஆகவேண்டி இருக்கிறது. நலமா?

கடந்த சில நாட்களுக்கு முன் டெர்ரர் கும்மி தளத்தில் நண்பர் பன்னிக்குட்டி ராமசாமி ஒரு பயோடேட்டா போட்டதுதான் இத்தனை பிரச்சினைக்கும் ஆரம்பப்புள்ளி என்பதை அனைவரும் அறிவோம். அந்த பதிவில் தமிழ்மணம் சார்பில் என்று பகிரங்கப்படுத்தியே பெயரிலி  என்ற ரமணீதரன் என்ற ஒருவர் இருக்கும் இடம் மறந்து, மிகவும் கீழ்த்தரமாக இறங்கி பின்னூட்ட வாந்தி எடுத்துவிட்டு போயிருக்கிறார். சும்மா சொல்லக்கூடாது சார்...உங்களின் பிரதிநிதி டெர்ரராகவே கும்மி இருந்தார். அதுசரி.... நான் கேட்பதெல்லாம்.....அந்த பதிவில் ஏன் சம்பந்தமில்லாத இஸ்லாமிய முகமனை கிண்டல் செய்யும் பின்னூட்டம்? யாரை திருப்திப்படுத்த சார் இந்த கிண்டல்?

அஸ்ஸலாமு அலைக்கும் என்ற முகமன் (இஸ்லாமியர்களின் வார்த்தைகளில் சொல்லவேண்டுமானால் சலாம்) எச்சூழ்நிலைக்கும் பொருந்தக்கூடிய ஒன்று. அன்பையும்,சகோரதத்துவத்தையும் வலியுறுத்தும் அருமையான சொற்றொடர். ஒரு மரண நிகழ்வுகளில் கூட சொல்லலாம். மரண வீட்டில் போய் குட் மார்னிங் சொல்லிப்பாருங்கள் அப்புறம் தெரியும் இந்த முகமனின் மகத்துவம். அப்படிப்பட்ட ஒன்றை கிண்டலடிக்கும் உங்களின் நிர்வாகிக்கு எவ்வளவு வக்கிரப்புத்தி இருந்திருக்கும்?.

எனக்கு ஒரு சந்தேகம் சார்? அப்படி என்ன தப்பாக கூறிவிட்டார் பன்னிக்குட்டி? காசு கொடுத்தால் எந்த கர்மத்தையும் தமிழ்மணம் முகப்பில் காட்டுவோம் என்ற உங்களின் உன்னதமான கட்டண சேவை கொள்ளையை மன்னிக்கவும் கொள்கையை சுட்டிக்காட்டியிருந்தார். இதில் என்ன தவறு இருக்கிறது? அதுதானே உண்மை.உங்களின் யோக்கியதையும் அதுதானே?
அந்த பதிவில் பின்னூட்டம் போட்ட என் பதிவுலக நண்பர்கள் சிலரை தமிழ்மணத்திலிருந்து தூக்கிவிட்டதாக மெயிலும் அனுப்பியுள்ளீர்களாமே?
என்ன ஒரு சர்வாதிகார போக்கு? இப்படி ஒரு சட்டாம்பிள்ளை தனத்தை உங்களுக்கு சொல்லிக்கொடுத்தது எந்த மடையன்?

உங்கள் அறியாமையை நினைத்து அழுவதா? சிரிப்பதா என்று விளங்கவில்லை எனக்கு? பின்னே என்ன சார்? தமிழ்மணம் என்ற கட்டிடத்தின் அஸ்திவாரங்களான பதிவர்களை நீக்கிவிட்டு எப்படி தமிழ்மணம் என்ற கட்டிடத்தை நிறுத்தப்போகிறீர்கள்? ஒன்றை மட்டும் தெளிவாக புரிந்துகொள்ளுங்கள்....தமிழ்மணத்தை வைத்து பதிவர்கள் இல்லை....பதிவர்களை வைத்துதான் தமிழ்மணமும் இன்னபிற திரட்டிகளும்.

நீங்கள் இல்லாமல் எங்களால் ஹிட்ஸ் கொடுக்கமுடியும். எங்களை போன்ற பதிவர்கள் இல்லாமல் உங்களால் பத்து பைசா கூட சம்பாதிக்க முடியாது. எங்களை வைத்துதான் உங்களுக்கு விளம்பரம், வருமானம் எல்லாம் என்பதை நினைவில் வையுங்கள். நீங்கள் கொடுக்கும் தரவரிசையை வைத்து எங்களால் ஒரு வேளை சாப்பிடக்கூட முடியாது சார்...ஆனால், எங்கள் பதிவுகளை வைத்து  நீங்க ஒரு ஹோட்டலை வாங்கும் அளவிற்கு சம்பாதிக்க முடியும்.

எங்கள் பதிவுகளில் யாரேனும் ஒருவர் அனானியாக வந்து ஆபாசமாகவும் அருவருக்க தக்கதாகவும் பின்னூட்டமிட்டால், அந்த பின்னூட்டங்களுக்கு நாங்கள் தான் பொறுப்பு என்று குற்றம்சாட்டி எங்கள் பதிவுகளை தமிழ்மணத்திலிருந்து நீக்கும் உங்கள் நிர்வாகிகள், இப்போது பெயரிலியாகிய உங்கள் நிர்வாகி டெர்ரர்கும்மி தளத்தில் எடுத்த பின்னூட்ட வாந்திக்கு என்ன பதில் சொல்லப்போகிறீர்கள்?.

இவ்வளவு நடந்தபின்னும் அந்த பெயரிலி தமிழ்மணம் நிர்வாகக்குழுவில் இல்லை என்று பொறுப்பில்லாமல் கூறி நழுவமுடியாது. உங்கள் பிரதிநிதி என்று சொல்லித்தானே பின்னூட்ட வாந்தி எடுத்திருக்கிறார் அவர். உங்கள் மின்னஞ்சலில் இருந்துதானே பதிவர்களை நீக்குவதாக மிரட்டல் போயிருக்கிறது? அத்தனையும் அந்த பெயரிலி என்ற ரமணீதரன் தானே அனுப்பியிருக்கிறார்?அப்புறம் எப்படி அவர் தமிழ்மணத்தில் இல்லாமல் இருப்பார்? அல்லது அவர் உங்கள் மின்னஞ்சல் ID-யை ஹேக் செய்து விட்டாரா?

அவர் எடுத்த அத்தனை பின்னூட்ட வாந்திகளுக்கும் தமிழ்மணமே பொறுப்பு. இதற்கான பதிலை சொல்லுங்கள் தமிழ்மணம் நிர்வாகிகளே....

நன்றி....

-இப்படிக்கு-
நீங்கள் தமிழ்மணத்திலிருந்து நீக்கிவிட்டதால் சாப்பிடக்கூட வழியில்லாமல் தவிக்கும் ஒரு அப்பாவி பதிவர்.

முக்கிய அறிவிப்பு: நம் பதிவுலக நண்பர்களுக்கும், தமிழ்மணம் திரட்டிக்கும் இடையில் நடக்கும் பிரச்சினையில் நான் என் பதிவுலக நண்பர்களின் பக்கமே நிற்க விரும்புகிறேன். அதனால், இன்றுமுதல் தமிழ்மணம் வாக்குப்பட்டையை என் பதிவுகளிலிருந்து தற்காலிகமாக நீக்கிவைக்கிறேன். இனி, என் பதிவுகள் தமிழ்மணத்தில் வராது. இது தற்காலிகமா? நிரந்தரமா என்று தமிழ்மணம் கொடுக்கும் விளக்கங்களை பொருத்தே அமையும்.
-----------------------------

படிக்காமல் தவற விட்டவர்களுக்காக....என் முந்தைய பதிவு 

அண்ணா.தி.மு.க-வை எம்.ஜி.ஆர்.,ஆரம்பித்த வரலாறு

Tweet

Post Comment

இதையும் படிக்கலாமே: