9 சங்கரன்கோவிலில் அண்ணா.தி.மு.க.,தோற்று தி.மு.க.ஜெயித்தால்.....

நடந்து முடிந்த சங்கரன்கோவில் இடைத்தேர்தலில் ஒருவேளை அண்ணா.தி.மு.க.,தோற்றால்...
ஜெயலலிதாவின் பேட்டி இப்படித்தான் இருக்கும்.

கேள்வி: ஆளுங்கட்சியாக இருந்தும் சங்கரன்கோவிலில் அண்ணா.தி.மு.க., தோற்றுள்ளதே?

ஜெயலலிதா: இது நியாயமான தோல்வியல்ல..வாக்குப்பதிவு எந்திரத்தில் நடந்த முறைகேடுகளே என் கட்சி தோல்விக்கு காரணம். இரட்டை இலைக்கு விழுந்த வாக்குகளை எல்லாம் கருணாநிதியின் கட்சிக்கு விழும்படி எந்திரத்தில் புரோக்ராம் செய்துள்ளார்கள்.

கேள்வி:எப்படி இவ்வளவு உறுதியாக சொல்கிறீர்கள்?

ஜெயா: தேர்தலுக்கு முன்பே 15,000 வாக்குகள் வித்தியாசத்தில் தி.மு.க.,ஜெயிக்கும் என்று அழகிரி சொன்னதை நினைவு படுத்த விரும்புகிறேன். வழக்கமாக ஆளுங்கட்சிதான் இடைத்தேர்தலில் ஜெயிக்கும். அதுதான் நியதி. அதையும் மீறி தி.மு.க.,ஜெயித்துள்ளது எப்படி என்று இப்போது தெரிகிறதா?

கேள்வி: இந்த தோல்விக்கு பொறுப்பேற்று நீங்கள் ராஜினாமா செய்வீர்களா?

ஜெயா: நான் ஏன் ராஜினாமா செய்ய வேண்டும்? ஒருவேளை தி.மு.க.,ஆளுங்கட்சியாக இருந்தால் கருணாநிதியை ராஜினாமா செய்ய சொல்லி அறிக்கை விட்டிருப்பேன். ஆனால், இப்போது நாங்கள் அல்லவா ஆளுங்கட்சி.

                                                             ======================

ஒரு வேளை தி.மு.க.,ஜெயித்தால்...கலைஞரின் பேட்டி இப்படித்தான் இருக்குமோ?.

கேள்வி: ஆளுங்கட்சியையும் மீறி உங்கள் கட்சி வெற்றி பெற்றிருப்பது பற்றி?

கலைஞர்:இடைத்தேர்தல் என்றாலே எடைத்தேர்தல் என்று தான் அர்த்தம். இந்த தோல்வி ஜெயலலிதாவின் ஒரு வருட அராஜக ஆட்சிக்கு மக்கள் கொடுத்திருக்கும் மதிப்பெண்.
ஒரு பானை சோற்றுக்கு ஒரு சோறு பதம் என்பதுபோல் இந்த தேர்தல் முடிவு இருக்கிறது.

கேள்வி: ஜெயலலிதாவை ராஜினாமா செய்யுமாறு கோருவீர்களா?

கலைஞர்: தி.மு.க.,ஜனநாயகத்தின் மீது மதிப்பு வைத்திருக்கும் கட்சி. நாங்கள் யாரையும் ராஜினாமா செய்யுமாறு கேட்க மாட்டோம். அதே நேரம் மக்கள் தீர்ப்புக்கு தலைவணங்கி அவர்களாகவே ராஜினாமா செய்தால் அதை தடுக்க மாட்டோம்.

Tweet

Post Comment

இதையும் படிக்கலாமே: