17 என் நண்பரின் டேபிள் மேனர்சும் என் மொழிகளும்.....

ஒரு முறை ஒரு திருமண விருந்தில் என்  நண்பர்களோடு அமர்ந்து சாப்பிட்டுக்கொண்டிருந்தேன். நாங்கள் சாப்பிட்டு முடிக்கும் முன் எங்கள் நண்பர்களில் ஒருவர் விரைவாக சாப்பிட்டுவிட்டு கைகழுவ போய்விட்டார். எனக்கோ சரியான கோபம். சாப்பிட்டு முடித்து வெளியே வந்து அவரிடம் கேட்டேன்.
”எல்லோரும் ஒன்றாகத்தானே சாப்பிட உட்கார்ந்தோம். நீ மட்டும் சீக்கிரம் எழுது போய்விட்டாயே...கொஞ்ச நேரம் கம்பேனி கொடுத்திருக்கலாமே?... உனக்கு டேபிள் மேனர்சே தெரியவில்லை” என்றேன். அதற்கு அந்த நண்பர்.... ”அப்படி இல்லை. நான் சீக்கிரம் சாப்பிடுபவன். நான் சாப்பிட்டு முடித்துவிட்டால் உங்களுக்காக காத்திருக்க வேண்டியதில்லை. அப்படி காத்திருந்தால் மெதுவாக சாப்பிடும் சிலர்  நான் காத்திருக்கிறேன் என்பதற்காக அவசம் அவசரமாக சாப்பிட்டுவிடுவார் அல்லது எனக்கு கம்பெனி கொடுப்பதாக நினைத்து பாதியில் எழுந்துவிடுவார். அந்த சிரமத்தை ஏன் நான் கொடுக்க வேண்டும்?. அதான் எழுதுபோய் விட்டேன்” என்றார். அவர் செய்கை எனக்கு நியாயமாக பட்டது.

======================

பொன் மொழிகளல்ல...என் மொழிகள் மாதிரி.....

வாதாடி தோற்கும் அனைவரும் தன் தோல்வியை ஒப்புக்கொள்ள மனமில்லாமல், பொய்யான வார்த்தகளை போட்டு வாதத்தை தொடரவே செய்கிறார்கள். அல்லது, பட்டென்று கை நீட்டி அடித்துவிட்டு வாதத்தை முடித்து தன் தோல்வியை ஒப்புக்கொள்கிறார்கள்.

=========================

செவிக்கு உணவில்லாத போது சிறிது வயிற்றுக்கும் ஈயப்படும்# இப்போதெல்லாம் செவிக்கு நிறைய உணவு கிடைக்கிறது. ஆனால், வயிற்றுக்குத்தான் கிடைத்தபாடில்லை.

====================

கீரைக்காரரிடம்
பேரம் பேசி
கீரை வாங்கும் ஒருவன்
பேரம் பேசாமல்
டாஸ்மாக்கில் சரக்கு
வாங்கிவிட்டு
அப்படியே
பக்கத்து கடையில்
சிகரெட்டும்
வாங்கினான்.
எம்.ஆர்.பி.,யை விட
அதிகமாக கொடுத்து....

Tweet

Post Comment

இதையும் படிக்கலாமே: