30 கலைஞர் அப்படி என்னய்யா தப்பு பண்ணிட்டாரு?....

இன்று காலை நண்பர் நல்லநேரம் சதீஷ்குமார் தன் தளத்தில் ஒரு பதிவிட்டிருந்தார். அதில் சமீபத்தில் உடம் நலமில்லாமல் மருத்துவமனையில் அனுமதிக்கப்பட்டிருந்த நடிகர் ரஜினியை, மருத்துவமனைக்கே  போய் நலம் விசாரித்தாராம் கலைஞர் ....அடுத்து, இயக்குனர் பாலச்சந்தர் தனக்கு பால்கே விருது வழங்கப்பட்டுள்ளதால் கலைஞரை அவரது இல்லத்தில் சந்தித்து வாழ்த்து பெற்றாராம்.

இதில் என்ன தவறு என்று விளங்கவில்லை எனக்கு....
ஒருவர் உடல்நலமில்லாமல் மருத்துமனையில் அனுமதிக்கப்பட்டிருந்தால் அப்படி அனுமதிக்கப்பட்டவருக்கு நம்மைவிட வயது கம்மியாக இருந்தாலும் அவரை மருத்துவமனைக்கே சென்று நலம் விசாரிப்பதுதானே முறை, பண்பாடு, நாகாரீகம்.


அதை விடுத்து உடல் நலமில்லாமல் இருக்கும் ரஜினிகாந்தே ஒரு ஸ்ட்ரெக்சரில் படுத்துக்கொண்டா போய்  கலைஞரை  பார்ப்பார். நல்லவேளையாக தேர்தலுக்கு முன்பு ரஜினிக்கு இப்படி உடல்நலமில்லாமல் போய், அப்போது கலைஞர் மருத்துவமனைக்கு  போய் நலம் விசாரித்திருந்தால்....ஓட்டுக்காக ரஜினி ரசிகர்களை ஏமாற்ற கலைஞர் போடும் நாடகம் என்றிருப்பார்கள்.

ரஜினி வாக்களித்த பின் கலைஞரின் அரசுக்கும், கலைஞருக்கும்   எதிரான மன நிலையிலேயே பேசினார். அவர் யாருக்கு வாக்களித்தார் என்பதை கூட மீடியாக்கள் வெளிச்சம் போட்டு காட்டியது.அப்படி இருந்தும் கலைஞர் ரஜினியை,  இந்த தள்ளாத வயதிலும் போய் பார்க்கிறார் அது அவரின் பெருந்தன்மையைத்தான் காட்டுகிறது.

நியாயமாக பார்த்தால் தேர்தல் அன்று,  மக்களுக்கு ஒரு மாற்றம் வேண்டும் என ஒரு பேட்டியின் மூலம் கூறி  தன் ரசிகர்களை ஜெயலலிதாவின் பக்கம் மறைமுகமாக திரும்ப  வைத்த ரஜினியை, ஜெயலலிதாதான் நலம் விசாரித்திருக்க  வேண்டும். அதை விடுத்து  பிரச்சாரம் என்ற பெயரில் ஒருமாதம் இந்த வேகாத வெயிலில் அலைந்ததால் சூடாகவும், கறுத்தும் போன தன் தேகத்தை குளிர்விக்க குளுகுளு கொடநாடு போய் விட்டார்.

சரி...அவரால்  நலம் விசாரிக்க போக முடியாவிட்டாலும், அண்ணா.தி.மு.க இரண்டாம் கட்ட தலையாட்டிகளை மன்னிக்கவும் தலைவர்களையாவது மருத்துவமனைக்கு அனுப்பி இருக்கலாம். அட...அதுகூட வேண்டாம், ரஜினி நலம் பெற வாழ்த்துகிறேன் என்று ஒரு தந்தி அல்லது அறிக்கையாவது விட்டிருக்கலாம். பாவம் அதற்கு அவருக்கு நேரம் எது? அவர்தான்  சினிமாவிலும், நேரிலும் அம்மா, ஆட்டுக்குட்டி, பசு என்று  புராணம் பாடிய  நடிகர் ராமராஜனையே போய் பார்க்கவில்லையே?

அடுத்து இயக்குனர் பாலச்சந்தர்.....
பாலச்சந்தர் இந்த தள்ளாத வயதில்  கலைஞர் இல்லம் தேடிப்போய் வாழ்த்து பெற்றாராம். இதில் என்ன தவறு இருக்கிறது? கலைஞரை விட நல்ல ஆரோக்கியமாகத்தானே இருக்கிறார் பாலச்சந்தர்? அவர் நேரில் போனால் என்ன தப்பு?

ஒருவர் தனது  பிறந்த நாள், திருமண நாள் போன்ற விசேச நாட்களிலும், இதை போல ஏதாவது விருது பெறும்போதும் அந்த மகிழ்ச்சியை தன்னைவிட மூத்தவர்களிடம் பகிர்ந்து கொள்வதும், வாழ்த்து பெறுவதும் சகஜமான ஒரு நிகழ்வுதான்.இதில் என்ன தவறிருக்கிறது?


பாலச்சந்தர் ஒன்றும் ஸ்டாலினையோ, அழகிரியையோ தேடிப்போய் வாழ்த்து பெறவில்லை...அப்படி போயிருந்தால் தவறு என கூறலாம். அதேநேரம், ஜெயலலிதாவின்  இரண்டாவது படத்தை இயக்கிய தனக்கு மரியாதைக்கு கூட வாழ்த்து சொல்லவில்லை என்று கடந்த வார விகடனில் தனது ஆதங்கத்தை கொட்டியிருந்தாரே பாலச்சந்தர்?

அடப்போங்கப்பா....பிடிக்காத மாமியார் கை பட்டால் குற்றம்,கால்பட்டால் குற்றம் என்று சொல்வது போல....பிடிக்காத கலைஞர் ரஜினியை மருத்துவமனைக்கு போய் நலம் விசாரித்தாலும் தவறு....கலைஞரை சந்தித்து பாலச்சந்தர் வாழ்த்து பெற்றாலும் தவறு.....

அண்ணா.தி.மு.க ஆதரவு பதிவர்களிடம் இதைத்தவிர வேறு எந்த நாகரீகத்தை  எதிர்பார்க்க முடியும்?....தலைவி எவ்வழி தொண்டன் அவ்வழி

Tweet

Post Comment

இதையும் படிக்கலாமே: