169 சில பதிவர்கள் குழு அமைத்துக்கொண்டு...தங்களுக்குள் ஓட்டு போட்டுக்கொள்கின்றனர்..- பிரபல பதிவர் குற்றசாட்டு

இவர் வலைப்பதிவில் கலைஞரையும் தி.மு.க.,வையும் கடுமையாக சாடி வருபவர். 

மனதில் பட்டதை எந்த வித சமரசமுமின்றி பட்டென்று சொல்லும் சொற்ப பதிவர்களில் இவரும் ஒருவர்...

இவர் பதிவிட்ட சிறிது நேரத்திலேயே தமிழ்மணம் சூடான இடுகைகளில் இவரின் பதிவு கட்டாயம் இடம் பிடித்துவிடும்.

சமீபத்தில் ஜாக்கி சேகருடன் முரண்பட்டவர் 

அப்படிப்பட்ட பதிவர்  வேறுயாருமல்ல....நல்லநேரம் சதீஷ்குமார்தான் அவர். அவரிடம் நேற்று  என் மனதில் பட்ட விஷயங்களை கேள்விகளாக்கி அவருக்கு மின்னஞ்சலில் அனுப்பியிருந்தேன். அனுப்பிய சில மணிநேரங்களில் பதிலை எனக்கு அனுப்பியிருந்தார்.....இதோ எனது கேள்விகளும் அவரின் பதில்களும் 

1)  பதிவர்களுடன் மோதும் சர்ச்சை பதிவுகளை வெளியிடுகிறீர்களே....உண்மையான கோபமா..?ஹிட்ஸ்காகவா..?

ம்...முதல் கேள்வியே இடி மாதிரி இறங்குது....என்னமோ வாரம் மூணு பேர்கிட்ட வம்பிழுக்குற மாதிரி சொல்றீங்க...
 அந்தநேர கோபம் தான் அதெல்லாம்..அப்புறம் யோசிச்சு பார்த்தா இப்படி எழுதி இருக்க வேண்டாம்னு தோணும்....

ஜாக்கி விசயத்தில் அவர் கவுதம் மேனனுக்கு இப்பவும் சப்போர்ட் பன்றார்...அது சரியே என்கிறார்...எனக்கு சரியா படலை...நீங்க எழுதினது தப்புன்னு என் பிளாக்ல எழுதிட்டேன் அவ்வளவுதான்...திரட்டியில் நம் பதிவை இணைத்து பல ஆயிரம் பேர் படிக்க செய்யும் போதே நாம் தெருவிற்கு வந்துவிடுகிறோம்..தெருவில் நடக்கும்போது நீ மூடிக்கொண்டு நடந்தால் பிரச்சனை இல்லை..அம்மணமாக நடந்தால் உதை விழத்தானே செய்யும்..?நீ என்னை ஏண்டா பார்க்குற எனக்கேட்டால் என்ன அர்த்தம்..?

மற்றபடி...ஜாக்கியின் வாசகர்களில் நானும் ஒருவன்...

##############################################

2)பதிவுலகம் ரொம்ப மோசமானதா..?

சில பதிவர்கள் குழு அமைத்துக்கொண்டு...தங்களுக்குள் ஓட்டு போட்டுக்கொள்கின்றனர்..அவர்கள் சாதாரணமாக உப்புமா பதிவு,ஒன்றன் கீழ் ஒன்றாக வார்த்தைகள் போட்டு கட்டுரை எழுதி கவிதை என எழுதி சாதாரணமாக 20 ஓட்டு வாங்கி விடுவார்கள்..அப்போதான் அதே குழுவில் இருக்கும் இன்னொருவர் போடும் உப்புமா கவிதைக்கு இவர் ஓட்டு போடுவார்....சில பதிவர்கள் சாட்டில் வந்து தங்கள் இடுகை முகவரி கொடுத்து படிக்க சொல்வது வழக்கம்..அதுபோலத்தான் நானும் செய்தேன்..உடனே கமெண்ட் போடு ...ஓட்டு போடு..என வற்புறுத்துகிறார் என்னை சித்ரவதை செய்கிறார் என ஒரு பதிவர் புரளியை கிளப்பி விட்டுவிட்டார்...அட போ..நீயும் என்னை சாட்டில் வந்து ஓட்டு கேட்டவன் தானே...இப்படி பொய் பேசுகிறானே என நினைத்துக்கொண்டு இனி திரட்டியில் இணைப்பதோடு நிறுத்திக்கொள்கிறேன்....இது மோசமான அரசியலாக இருக்கிறது..

#####################################################


3) உங்களின் அரசியல் பதிவுகளெல்லாம் தி.மு.க.-வை சாடியும், அண்ணா.தி.மு.க-வை ஆதரித்தும் இருக்கிறதே? நீங்கள் அம்மா பிள்ளையா?

தேர்தல் சமயம் என்பதால் அதிகமான அரசியல் பதிவு எழுதுகிறேன்....4 லட்சம் ஈழமக்கள் கொல்லப்பட்டபோது,அமைதியாக வேடிக்கை பார்த்துவிட்டு,3 சீட் பிரச்சனைக்காக காங்கிரஸ்க்கு கொடுத்த ஆதரவை வாபஸ் வாங்குகிறோம் ,மந்திரி சபையிலிருந்து விலகுகிறோம்என அறிவித்து ,நாடகமாடி.....மண்ணைக்கவ்வி,அசிங்கபட்டு...தான் ஒரு பக்கா அயோக்கிய சுயநலவாதி என நிரூபித்த....கருணாநிதியை எதிர்க்கும் எதிரிக்கு நான் ஆதரவாளன்..


மற்றபடி எப்போதும் நான் அம்மா பிள்ளைதான்(வீட்டில்) 

#############################################################

    .
3) தேர்தல் முடிவுகள் வருவது  இருக்கட்டும்....அடுத்து யார் ஆட்சி என்று உங்களின் ஜோதிடம் என்ன சொல்லுது?

ம்..இனிமேல்தான் கணிக்கனும்...பார்க்கலாம்...(எங்க ஒருத்தனும் நம்ப மாட்டான்...எப்படியும் ஜெயலலிதாவுக்கு சப்போர்ட்டாத்தான் சொல்லுவ..?)

######################################################################

4) உங்களின் வலைப்பதிவில் எப்போது பார்த்தாலும் முப்பது நாப்பது பேர் ஆன் லைனில் இருக்கிறார்களே? அது உண்மையான வருகைதானா? அல்லது மீட்டரை சூடு வைத்துள்ளீர்கள?

போச்சு.....வலைப்பதிவு நண்பர்கள்.., இப்பவே ஃபோன் அடிச்சி...எனக்கு அந்த ரகசியத்தை சொல்லவே இல்லையே சொல்லு சொல்லுன்னு நச்சரிக்க போறாங்க..(டெய்லி 4 பதிவு போட்டா பதிவுக்கு 10 பேர் வரத்தான் செய்வாங்க...)

#####################################################

 5) பதிவுலக சர்ச்சைபற்றி? இது ஆரோக்கிய மானதுதானா?

இதுல என்னங்க ஆரோக்கியம் வேண்டி இருக்கு...உன் பிளாக்குல என்னை திட்டினா உடனே அடுத்த பத்தாவது நிமிசம் நான் திட்டப்போறேன்..நஜீபா...தொப்பி தொப்பி சர்ச்சை ரொம்ப கொடுமை....தொப்பி.. ஜெயலலிதாவை திட்ட ஒரு பதிவு தேவைப்பட்டது...சரியாக அன்று மகளிர் தினம் என்பதால் ,வாய்ப்பை சரியாக பயன்படுத்திக்கொண்டார்...இது புரியாத நஜீபா பெண்களை மட்டம் தட்டும் தொப்பி தொப்பி தலையில் இடிவிழ என போஸ்ட் போட்டுவிட்டார்...அதுவும் சரியான இலக்கில்லாத, தெளிவான பார்வையில்லாததால்...இது சரியா வராதுக்கா போஸ்டை எடுத்துடுங்க..என சேட்டைக்காரன் கமெண்டில் எச்சரித்தார்...நானும் வழிமொழிந்தேன்..ஆனால் நிலமை கைமீறிவிட்டது...இன்று நஜீபாவை செமயாக வெளுத்து வாங்கியிருக்கிறார் தொப்பி தொப்பி....

ஒரு லூஸு...என்னை திட்டி இருக்கு என எடுத்த எடுப்பில் டாப் கியரில் போகிறது..தொப்பி தொப்பி...பதிவு...

செருப்படி வேணுமாம் இவனுகளுக்கு... என பெயரை போட்டே ஆரத்தி எடுத்தார் ஒரு பெண் பதிவர் போனவாரம்...

1000 பதிவர்கள் இருக்குமிடத்தில் சண்டைகள் அங்கொன்றும் இங்கொன்றுமாக இருக்கத்தான் செய்யும்...


##############################################################

6) தமிழ்மணம் டாப்-20-யில் எடுத்த எடுப்பிலேயே முதல் மூன்றில் ஒருவராக  இடம்  பிடித்துவிட்டீர்களே? அவர்களுக்கும்,உங்களுக்கும் இடையிலான பிரச்சினையை எப்படி தீர்த்தீர்கள்?

பிரச்சனையெல்லாம் ஒண்ணும் இல்ல...என்னோட பதிவை இணைச்சா...கட்டண சேவையில் உள்ள வலைப்பூ என வந்தது...இதை நண்பர் நீச்சல்காரன் உதவியால் ,தமிழ்மணத்திடம் சொல்லி ..,சரி செய்தபின் என் பிளாக் 4 மாதத்திற்கு பின் தமிழ்மணத்தில் தெரிய ஆரம்பித்தது....அவ்வளவுதான்..

தினசரி இரண்டு பதிவு போட்டா யாராக இருந்தாலும் தமிழ்மணம் டாப் 20 யில் முதல் ஐந்து இடத்திற்க்குள் வந்து விடலாம் ...நீங்க காப்பி பேஸ்ட் செஞ்சி போட்டாலும் சரி...


###########################################################

7.புது பதிவர்களுக்கு உங்க டிப்ஸ்..?


நல்ல பதிவுகளை ஃபாலோ செய்ங்க....உங்க எழுத்து திறமையை வளர்த்துக்குங்க..பிளாக் கிடைத்த சந்தோசத்தில் கண்டதையும் கிறுக்காதீங்க...சினிமா பதிவுகளை குறைச்சுக்குங்க...கமெண்ட் போட யோசிக்காதீங்க...தினசரி பத்து பிளாக்குகளில் கமெண்ட் போட வேண்டும்..கமெண்ட் போட பழகினால்தான் பதிவு எழுதி பழக முடியும்..கிண்டலும் கேலியுமாக கமெண்ட் போட பழகுங்கள்..பிரபல பதிவர்கள் பலர் கமெண்ட் போடுவதில் வல்லவர்களாக இருந்துதால் பதிவுலகில் வல்லவர்களானார்கள்

 ##########################################################    

டிஸ்கி: இதில் இடம்பெற்றிருக்கும் கேள்விவிகளுக்கு மட்டுமே நான் பொறுப்பு.....பதில்களுக்கு சதீஷ்குமார்தான் பொறுப்பு..(எல்லாம் ஒரு முன்னெச்சரிக்கை நடவடிக்கை தான் ஹி...ஹி..)

Tweet

Post Comment

இதையும் படிக்கலாமே: