21 வாழ்க கலைஞர், வாழ்க கலைஞரின் கதாநாயகி

நேற்று வெளியிடப்பட்ட தி.மு.க.தேர்தல் அறிக்கையும் என் மனதில் தோன்றியவையும்

ஈழத் தமிழர்களுக்கு சிங்களர்களுக்கு சமமான நிலையை ஏற்படுத்தி, அரசியல் தீர்வை ஏற்படுத்த மத்திய அரசு நடவடிக்கை எடுக்க திமுக தொடர்ந்து வலியுறுத்தும். ஈழத் தமிழர்கள் அமைதியான சூழலில் வாழ தேவையான நடவடிக்கைகளை இலங்கை அரசு எடுக்க இந்தியா தீவிர முயற்சிகளை எடுக்க வலியுறுத்துவோம்.

தந்தி அடித்து தானே வலியுறுத்துவீங்க.....

சென்னை கீழ்ப்பாக்கம் மன நல மருத்துவமனை போல திருச்சியிலும், மதுரையிலும் மன நல மருத்துவமனைகள் அமைப்போம்.

அப்படியே தமிழ்நாடு முழுதும் அமச்சீங்கன்னா....இந்த அரசியல்வாதிங்க அடிக்கும் கூத்தினால் சட்டையை பிச்சுக்கு திரியும் பொதுமக்கள் சேர்வதுக்கு வசதியா இருக்கும்

====================================

மூத்த குடிமக்களுக்கு மாதம் ஒருமுறை மருத்துவர்களே வீட்டுக்குச் சென்று மருத்துவப் பரிசோதனை சிகிச்சை செய்யும் முறையை சிறப்பாக செயல்படுத்துவோம்.

முதல்ல அரசு மருத்துவமனையில் எல்லா நேரமும் மருத்துவர்கள் இருக்குமாறு செய்யுங்க....

 

==========================================

அரசுக் கல்லூரிகளிலும், தொழில்கல்வி பயிலும் பிற்படுத்தப்பட்ட, மிகவும் பிற்படுத்தப்பட்ட, தாழ்த்தப்பட்ட, பழங்குடியின மாணவர்களுக்கு, முதலாவது ஆண்டிலேயே இலவசமாக லேப்டாப் வழங்கப்படும்.

கொடுக்கறதுதான் கொடுக்கறீங்க நெட் கணக்சனையும் சேர்த்து கொடுங்க....

==================================================

மூத்த குடிமக்களுக்கு இலவசப் பேருந்து. 60 வயதுக்கு மேற்பட்ட அனைத்து மூத்த குடிமக்களுக்கும், உள்ளூர் பேருந்துகளில் கட்டணமில்லாத இலவச பயணம்.

முதல்ல அவங்க உட்கார நாலு சீட் ஏற்பாடு பண்ணுங்க....

 

======================================

கந்து வட்டிக் கொடுமையை நீக்க வழி வகை காணப்படும்.

டாஸ்மாக் போல அரசே கந்து வட்டிக்கடையும் நடத்துமா?

 

==============================

பரம ஏழைகளுக்கு மாதந்தோறும் கிலோ 1 ரூபாய் வீதம் வழங்கப்படும் 30 கிலோ அரிசி இனி இலவசமாக வழங்கப்படும்.

இலவச மின்சாரம் பயன்படுத்தும் பரம ஏழைகளை போலவா?

============================================

குடும்ப அட்டைதாரர்களுக்கு மாதம் ஒரு கிலோ அயோடின் கலந்த உப்பு மானிய விலையில் வழங்கப்படும்

உப்பா கொடுக்கப்போறீங்க...பார்த்து மக்களுக்கு ரோசம் வந்துடப்போகுது 

=========================================


பெண்களுக்கு இலவச கிரைண்டர் அல்லது மிக்சி வழங்கப்படும். பெண்கள் எதைக் கோருகிறார்களோ அதைப் பொறுத்து கிரைண்டர் அல்லது மிக்சி வழங்கப்படும்.

அதை இயக்க கரண்டு இருக்குமா?

=====================================

அரசு அலுவலகங்களில் லஞ்சத்தை ஒழிக்க நடவடிக்கை எடுத்து, குற்றவாளிகள் உடனடியாக தண்டனைக்கு உள்ளாக்கப்படுவர்.

அரசு அலுவலகங்களில் மட்டும்தான்.ஸ்பெக்ட்ரம் பற்றி பேசக்கூடாது.

Tweet

Post Comment

இதையும் படிக்கலாமே: