61 காங்கிரசுடன் கூட்டணிக்கு தயார்-ஜெயலலிதா அதிரடி அறிக்கை.

இன்று காலை ஜெயலலிதாவிடமிருந்து எங்களின் கப்சா நாளிதழுக்கு ஒரு அறிக்கை வந்திருந்தது. அதில் கூறப்பட்டிருப்பதாவது........

காங்கிரசோடு கூட்டணிக்கு தயார்- ஜெயலலிதா அறிக்கை.

தி.மு.க-கூட்டணியிலிருந்து காங்கிரஸ் விலக்கப்பட்டிருப்பதை அல்லது விலகியதை நான் வரவேற்கிறேன். 

இவ்வளவு நாளாக காத்திருந்தது இப்போது நடந்துவிட்டது கண்டு என் மனம் மட்டற்ற மகிழ்ச்சி கொள்கிறது. 

அவர்கள் உங்களிடமிருந்து விலகினால் என் கட்சி எம்பிக்கள் உங்கள் ஆட்சி கவிழாமல் இருப்பதற்கு உங்களை ஆதரிப்பார்கள்.

கடந்த காலங்களில் நான் பா.ஜ.க.- அரசிற்கும் , வாஜ்பாயி அவர்களுக்கும் வழங்கிய நிபந்தனையற்ற அதே ஆதரவை உங்களுக்கு வழங்க தயாராக இருக்கிறேன். 

மேலும், நண்பர் சோ அவர்களிடம் சொல்லி பா.ஜ.க-எம்பிக்களின் ஆதரவையும் உங்களுக்கு வாங்கித்தருகிறேன் என்று இந்த நேரத்தில் நான் கூறிக்கொள்கிறேன். 

ஏற்கனவே எங்களின் வாக்கு வங்கியிடமிருந்து எட்டு சதவிகிதத்தை பிரித்து சென்ற விஜயகாந்த் மீண்டும் எங்களிடமே வந்து விட்டதால், நாங்கள்தான் இப்போது பலமான கூட்டணி, அடுத்து எங்கள் ஆட்சிதான் என்ற மாயத்தோற்றம் மக்களிடம் மன்னிக்கவும் வலைப்பதிவர்களிடம் ஏற்பட்டு விட்டதால் நீங்களும் அந்த ஜோதியில் ஐக்கியமாகிக்கொள்ளுங்கள்.

வைகோ, கம்யூனிஸ்ட் போன்றவர்களை பற்றி கவலைப்பட வேண்டாம். அவர்களை கருணாநிதியிடம் அனுப்பிவிடுவோம். 

மேலும் நம் கூட்டணி ஜெயித்து நான் ஆட்சிக்கு வந்தால்.....மாதம் ஒரு காங்கிரஸ் கோஷ்டி தலைவரை மந்திரியாக்கி விடுகிறேன்.....ஐந்து வருடத்தில் அறுபது பேரும் மந்திரியாகி இருப்பார்கள். 

கடந்த முறை என் ஆட்சியில் இப்படித்தான் மாதந்தோறும் ஒருவரை மந்திரிசபையிலிருந்து நீக்கிவிட்டு புதியவர்களை மந்திரியாக்கி எங்கள் கட்சி எம்.எல்.ஏ-க்கள் பாதிப்பேரை  மந்திரி சுகத்தை அனுபவிக்கவைத்து புதிய சாதனை படைத்தேன்.

இப்போதும் அந்த சாதனை தொடர நீங்கள் எங்கள் கூட்டணிக்கு வாருங்கள். தேர்தல் நேரம் நெருங்கிவிட்டதால் சோனியா, ராகுல், குலாம் நபி, சிதம்பரம்,வாசன் போன்றோருக்கு என் இல்ல கதவு திறந்தே இருக்கும். வாசலிலேயே உங்களை காக்க வைக்க கூடாது என்பதற்காக வாட்ச் மேனுக்குக்கூட விடுமுறை கொடுத்து அனுப்பிவிட்டேன்.

அண்ணா(வுக்கு) நாமம் (போட்டு) வாழ்க.....

புரட்சி தலைவரு(க்கு) நாமம் (போட்டு) வாழ்க....என்று கூறி வடை விடை பெறுகிறேன்.நாளை  நமதே.

என்பதாக அந்த அறிக்கையில் குறிப்படப்பட்டிருந்தது.

Tweet

Post Comment

இதையும் படிக்கலாமே: