25 பீர்பாலும், தமிழக காங்கிரஸ் தலைவரும் பின்னே கலைஞரும், ராமராஜனும்......(அரசியல் கேள்வி-பதில்கள்)

கச்சத்தீவை மீட்பதால் ஒரு பலனும் இல்லை என்கிறாரே தமிழக காங்கிரஸ் தலைவர் ஞானசேகரன்?

முகலாய மன்னன் அக்பரின் அரசவையில் இருந்தவர் விகடகவி பீர்பால்...ஒரு முறை அக்பரும் அவரும் இன்னொருவரும் சாப்பிட்டுக்கொண்டிருக்கும்போது அங்கு பறிமாறப்பட்ட கத்தரிக்காய் கூட்டின்  ருஷியில் ஈர்க்கப்பட்ட அக்பர் அதை விரும்பி சாப்பிட்டபடி பீர்பாலை பார்த்து, ”கத்தரிக்காய் உடம்புக்கு நல்லது” என்றாராம். அதற்கு பீர்பாலும் ”ஆமாமாம்....கத்தரிக்காய் உடம்புக்கு நல்லது அரசே” என்றாராம். 

சில நாட்கள் கழிந்ததும், மீண்டும் அவர்கள் ஒன்றாக சாப்பிட்டுக்கொண்டிருக்கும்போது கத்தரிக்காய் கூட்டை சாப்பிடாமல் ஒதுக்கி வைத்த அக்பர், பீர்பாலை பார்த்து “கத்தரிக்காய் கூட்டு உடம்புக்கு கெடுதி” என்றாராம். அப்போது பீர்பால் ”ஆம் மன்னா...கத்தரிக்காய் உடம்புக்கு கெடுதி” என்றாராம்.

இந்த இரண்டு தடவையும் இதை கவனித்த அந்த இன்னொருவர் பீர்பாலிடம் ”அன்றைக்கு மன்னர் கத்த்ரிக்காய் கூட்டு உடம்புக்கு நல்லது என்ற போது ஆமாம் என்றீர்கள். இன்றைக்கு கத்தரிக்காய் கூட்டு உடம்புக்கு கெடுதி என்றபோதும் ஆமாம் என்கிறீர்களே? ஏன் மாற்றி மாற்றி பேசுகிறீர்கள்” என்று கேட்டாராம்.
 
அதற்கு பீர்பால்
”நான் மன்னரிடம் தான் வேலை செய்கிறேன். கத்தரிக்காயிடம் இல்லை. கத்தரிக்காயிற்கு ஆமாம் போட முடியாது” என்று பதில் சொன்னாராம் .

அதுபோல் தான் ஞானதேசிகன் பேச்சும்...அவர் காங்கிரசின் வேலைக்காரன்...அப்படித்தான் பேசுவார்.

--------------------

எட்டு மணி நேர மின்வெட்டை கிண்டல் செய்கிறாரே கலைஞர்?

கலைஞர் ஆட்சியில் ரெண்டு அல்லது மூன்று மணி நேரம் மின்வெட்டு இருந்ததற்கே கலைஞரையும், ஆற்காட்டாரையும் வறுத்து எடுத்தார்கள் ஜெயலலிதாவும், மற்றவர்களும். இப்போது கலைஞர் முறை.

-------------------------

தேர்தல் நேரத்தில் அறிவித்த மக்கள் நலத்திட்டங்கள் அனைத்தையும் ஆட்சிக்கு வந்த மூன்றே மாதத்தில் நிறைவேற்றி முதல்வர் ஜெயலலிதா சாதனை படைத்துள்ளார் என்கிறாரே  நடிகர் ராமராஜன்?

எதை நிறைவேற்றி எதில் சாதனை படைத்துள்ளார் ஜெ?....
மூன்று மணி நேரமாக இருந்த மின்வெட்டு இப்போது எட்டு மணி நேரமாக அதிகரித்துள்ளது. பஸ் கட்டணம், பால் விலை எழுப்பத்தைந்து சதவீதம் உயர்ந்துள்ளது.
இதெல்லாம் சாதனையாக ராமராஜனுக்கு தெரிந்தால் அவர் பார்வையில்தான் கோளாறு.

Tweet

Post Comment

இதையும் படிக்கலாமே: